10.bekkur markmið | atthagafraedi

Átthagafræði - markmið 10. bekkjar

Nemendur:

Kynnist nærumhverfi sínu með upplifun og reynslu.
Geri sér grein fyrir þróun byggðar í Snæfellsbæ.
Komi fram sem fulltrúar skólans.
Kynnist ferðaþjónustu í Snæfellsbæ og hvaða upplifun er í boði.
Kynnist starfsemi bæjarfélagsins Snæfellsbæjar og þekki stjórnkerfi þess.
Læri örnefni í Snæfellsbæ, tengi þau við staði og þekki söguna á bak við nafn þeirra.
Taki þátt í tiltekt og þekki hlutverk sitt í umhverfisvernd.
Kynnist fyrirtækjum og ólíkum störfum í Snæfellsbæ.
Upplifi náttúru og kraft Snæfellsjökuls.

Helstu verkefni og viðfangsefni:

Byggðarkjarnar í nútíð og til forna

Nemendur kynnist byggð í Snæfellsbæ með áherslu á eldri byggðarkjarna og sameiningu sveitarfélaga sem mynda í dag samfélagið okkar. Skoðað hvar verstöðvar voru hér áður fyrr.

Bókaveisla á Klifi

Nemendur bjóða til bókaveislu á Klifi í tengslum við útgáfu jólabóka á aðventunni. Fjórum til fimm rithöfundum er boðið til bókaveislunnar. Nemendur semja kynningar um höfunda sem þeir lesa upp á Klifi áður en rithöfundar lesa upp úr bókum sínum. Foreldrar nemenda sjá um sölu veitinga ásamt nemendum.

Ferðaþjónusta í Snæfellsbæ

Nemendur kynnast ferðaþjónustu í Snæfellsbæ og þeim möguleikum sem boðið er upp á fyrir ferðamenn.

Fyrirtæki og störf í Snæfellsbæ

Nemendur afla sér upplýsinga um starfandi fyrirtæki og ýmis störf í Snæfellsbæ og kynna fyrir samnemendum sínum.

Stjórnkerfi Snæfellsbæjar

Vettvangsferð á bæjarskrifstofuna, nemendur hitta bæjarstjóra / bæjarritara og fá fræðslu um stjórnsýsluna.

Minn staður og vorferð

Minn staður í Snæfellsbæ er verkefni um uppáhaldsstað hvers og eins nemanda í Snæfellsbæ sem þeir kynna í vorferðalagi bekkjarins.

Gönguleið í Snæfellsbæ

Farnar fjölbreyttar gönguleiðir að vori í 7. - 10. bekk.

Snæfellsjökull

Lokaferð á Snæfellsjökul í samstarfi við ferðaþjónustufyrirtækið Glacier Paradise.

Helstu örnefni:

Gufuskálar
Snæfellsjökull
Tindarnir þrír á Jöklinum nefnast Þúfurnar, vestur – mið- og norðurþúfa.