Átthagafræði - markmið 5. bekkjar

 

Nemendur:

  • Kynnist nærumhverfi sínu með upplifun og reynslu.

  • Taki þátt í tiltekt og þekki hlutverk sitt í umhverfisvernd.

  • Upplifi lífríki í nánasta umhverfi með athugun á Stekkjaranum.

  • Þekki sögu vitanna í Snæfellsbæ.

  • Kynnist byggðasafninu í Pakkhúsinu.

  • Kynnist lífi villtra dýra í Snæfellsbæ.

  • Læri örnefni í Snæfellsbæ, frá Búlandshöfða að Enni, tengi þau við staði og þekki söguna á bak við nöfn þeirra.

  • Kynnist Malarrifi, Lóndröngum og Þúfubjargi með heimsókn á staðina.

  • Kynnist Bæjarfossinum og umhverfi hans.
     

Helstu verkefni og viðfangsefni:

 

Berjaferð og sultun

Að hausti tína nemendur ber og sulta. Nemendur læra heiti berja og lyngs.

Bæjarfossinn og umhverfi hans

Vettvangsferðir, ruslatínsla eftir þörfum. Skoða Bæjarfossinn á mismunandi tímum, áhersla á árstíðabundnar breytingar (haust, vetur og vor). Tengin við ljóðið Bæjarfossinn eftir Laufeyju Júlíusdóttur frá Hítarnesi. Vinna með örnefni og örnefnaskilti við Gilið og Sjónskífan á Bekknum skoðuð til að læra örnefni í umhverfinu.

Kotlækur tekinn í fóstur

Svæðið þar sem Kotlækur rennur frá Engihlíðinni og niður að tjörninni neðan við leikskólann. Bekkurinn fer reglulega í gönguferðir og tínir rusl ef þarf. Bátakeppni á læknum. 

Umhirða fjörunnar á Fróðárrifinu

Farið í vettvangsferð að hausti eða vori. Upplifun af umhverfinu, fjaran hreinsuð og ruslið skoðað út frá uppruna þess. Úrvinnsla í skóla eða á staðnum.

Stekkjarinn

Vettvangsferð farin að hausti eða vori að tjörninni Stekkjarinn. Nemendur kynnast lífríki í fersku vatni í nágrenni skólans.

 

Vitar Snæfellsbæjar, saga þeirra og hlutverk í fortíð og nútíð

Heimildarvinna þar sem nemendur kynnast vitum í Snæfellsbæ. Vettvangsferð að hausti að Öndverðarnesvita með nesti.

Pakkhús Ólafsvíkur

Heimsókn í Pakkhúsið með leiðsögn, safnmunir skoðaðir og tengdir við fortíð og nútíð.

Villt dýr í Snæfellsbæ

Nemendur kynnast helstu einkennum og lifnaðarháttum villtra dýra í nærumhverfi þeirra. Áhersla lögð á refinn auk hagamúsar, minks, rjúpu og fálkans. Nemendur kynnast sögum tengt dýrunum. Samstarf við þjóðgarðinn. 

Örnefni í Snæfellsbæ

Vinna með örnefni í Snæfellsbæ á fjölbreyttan hátt.

Malarrif, Lóndrangar og Þúfubjarg

Verkefni unnið í samstarfi við þjóðgarðinn að hausti eða vori. Lögð er áhersla á upplifun umhverfisins í vettvangsferð. Þúfubjarg, fuglaskoðun, Lóndrangar, fjaran, Salthúsið og Malarrifsviti. Jarðsagan skoðuð og þjóðsagan um Kölska og Kolbein sögð. Gestastofan á Malarrifi heimsótt.

Helstu örnefni:

  • Bekkurinn

  • Bugur

  • Bugsmúli

  • Búrfell

  • Bæjarfoss

  • Fróðárrif

  • Gilið

  • Hrói

  • Krókabrekkur

  • Lóndrangar

  • Malarrif

  • Ólafsvíkurenni

  • Stekkjarinn

  • Tvísteinahlíð

  • Þúfubjarg

  • Öndverðarnes

  • Fálki