Þemadagar á mið- og efsta stigi

Þemadagar í átthagafræði voru á starfsstöðinn í Ólafsvík í lok febrúar. Nemendur unnu verkefni úr námskrá átthagafræðinnar með fjölbreyttum hætti.

Nemendur í 5. bekk kynntu sér nokkur villt dýr í Snæfellsbæ. Hluti af því var að heimsækja Þjóðgarðsmiðstöðina þar sem vel var tekið á móti þeim og þeir fengu fræðslu um villt dýr í bæjarfélaginu. Í framhaldi af því unnu nemendur í litlum hópum að gagnaöflun um ref, mink, hagamús og rjúpu og settu fram upplýsingar um dýrin á hugtakakorti og teiknuðu mynd þar sem dýrin voru í sínu náttúrulega umhverfi.

Hér má sjá meira um verkefnið.

Nemendur í 7. bekk heimsótti fiskvinnslur, annars vegar Hraðfrystihús Hellissands og hins vegar Valafell. Þannig fengu þeir tækifæri til að kynnast ólíkum verkunum. Nemendur öfluðu upplýsinga um fyrirtækin og settu fram í sameiginlegum glærum sem hæg er að skoða hér.

Verkefni nemenda í 8. bekk á þemadögunum var um hafnirnar í Snæfellsbæ og var lögð áhersla á sérhæfðan orðaforða tengdan höfnum. Verkefnið sem unnið var má sjá hér.

Nemendur í 5. bekk á ferð og flugi

Viðfangsefni nemenda í 5. bekk voru þau að fræðast um villt dýr, tína rusl í og við Kotlækinn og að rannsaka lífríkið í Stekkjaranum. Gaman að skoða á síðunni hvernig þessi verkefni voru unnin.

Á faraldsfæti á vordögum

Nemendur í 3. og 4. bekk unnu að ýmsum verkefnum og fóru í skemmtilegar vettvangsferðir á skólaárinu. Hægt er að kynna sér nánar ferð þeirra í selafjöru og að Lýsuskóla, tiltekt í útikennslustofunni, heimsókn í fjárhús og þáttöku þeirra í söfnun birkifræja.