Átthagafræði - markmið 9. bekkjar

 

Nemendur:

• Kynnist nærumhverfi sínu með upplifun og reynslu.

• Þekki samgöngusögu Snæfellsbæjar.

• Kynnist eldstöðvakerfi Snæfellsjökuls.

• Þekki Bárðar sögu Snæfellsáss.

• Þekki hugtakið þjóðgarður og læri þær reglur sem um slík svæði gilda.

• Kynnist störfum sjómanna með fræðslu og upplifun.

• Fari í skoðunarferð á sjó með hvalaskoðunarbát.

• Taki þátt í tiltekt og þekki hlutverk sitt í umhverfisvernd.

• Læri örnefni í Snæfellsbæ, tengi þau við staði og þekki söguna á bak við nöfn þeirra.

 

Helstu verkefni og viðfangsefni:

 

Jarðfræði Snæfellsbæjar

Áhersla lögð á sögu eldstöðvakerfis Snæfellsjökuls og næsta nágrennis. Vettvangsferð að vori og sögustaðir Bárðarsögu fléttaðir inn í jarðfræðina. 

​

Bárðar saga Snæfellsáss

Nemendur fá kynningu á Bárðar sögu Snæfellsáss. Örnefni í Snæfellsbæ tengd sögunni skoðuð sérstaklega. Vettvangsferð að vori á slóðir Bárðar sögu í tengslum við jarðfræðiverkefni.

​

Þjóðgarðurinn Snæfellsjökull

Hvað felur hugtakið þjóðgarður í sér. Hvað þýðir „friðað svæði“ og eru fleiri slík hér í Snæfellsbæ? Reglur um umgengni í þjóðgarði og þýðing Þjóðgarðsins Snæfellsjökuls fyrir líf í Snæfellsbæ nútímans. Vettvangsferð í Gestastofu á Malarrifi að hausti. Verkefnið unnið í samstarfi við þjóðgarðinn. 

​

Samgöngusaga Snæfellsbæjar

Nemendum kynntar flugsamgöngur áður fyrr í Snæfellsbæ með áherslu á flugvellina á Rifi, Gufuskálum og Dagverðará. Fréttir tengdar flugi í bæjarfélaginu skoðaðar. Nemendur kynnast þróun samgangna við önnur svæði út frá vegalagningu í bæjarfélaginu og samgöngum á sjó.

​

Hvalaskoðun

Nemendur fara í hvalaskoðunarferð á vormánuðum með leiðsögn ferðaþjónustufyrirtækisins Láki Tours.

​

Sjómennska

Áhersla lögð á að nemendur kynnist starfi sjómanna með fræðslu og upplifun. Sjóminjasafnið á Hellissandi heimsótt. 

​

Gönguleið í Snæfellsbæ  

Farnar fjölbreyttar gönguleiðir að vori í 7. - 10. bekk. 

​

Helstu örnefni:

• Bárðarkista

• Bárðarlaug

• Djúpalónssandur

• Dritvík

• Ennið

• Háahraun

• Helguhóll

• Hólahólar

• Laugabrekka

• Lóndrangar

• Móðulækur

• Prestahraun

• Rauðfeldargjá

• Saxhólar

• Sölvahamar

• Sönghellir

• Vatnshellir

• Væjuhraun

• Öndverðarneshólar