Heimsókn á Kríuból

Nemendur í 4. bekk heimsóttu leikskólann Kríuból á Hellissandi og lásu fyrir leikskólabörn upp úr bókum sem þeir höfðu valið á bókasafni skólans. Þeir voru búnir að æfa sig vel og nýttu þjálfun sína í vinalestri úr Fimmunni (Daily five) eins og sjá má á heimasíðunni okkar.

Umhverfismarkmið og átthagar

Nemendur kynntu sér í vor ýmsa mikilvæga þætti er tengjast umhverfinu okkar eins og vatn, orku og náttúruvernd. Auk þess kynntu þeir sér hugtökin átthagar og merkingu þess orðs. Nemendur unnu flotta rafbók um þetta efni.

Fjöruferð og upplifun hjá 3. bekk

Nemendur í 3. bekk skruppu í Krossavík og skoðuð lífríkið sem þar má sjá og nutu útiverunnar. Verkefnið má sjá á heimasíðunni.

Hreinsun og listsköpun hjá 1. og 2. bekk

Nemendur 1. og 2. bekkja áttu nú í maí skemmtilega stund í Krossavíkinni við upplifun, fræðslu og leik. Krossavíkin er í göngufæri frá skólanum og margt sem hægt er að gera á þessum sögulega stað. Skoða má myndir úr ferðinni á heimasíðunni.